逆流而上 衝上頂峰 關關難過關關過

【專欄投稿】帶隊10年,大大小小的排球賽事都參與過,聯賽、馬拉松、區賽、學界、大專、工商盃、港運會、全國賽、亞洲賽等等…….,在成年人的隊伍中,每年聯賽是最艱巨的賽事,而在青少年的區域中。全年最難打的一個學界賽事,我相信一定係全港學界精英賽。在自己的教練生涯中有幸8次穿梭這個至高無上的賽事當中,雖然曾帶領過聖傑靈奪過一次殿軍及一次季軍的成績,但覺得呢一個已經係我人生中最高峰的學界成就,莫講話決賽,就連四強之列都已經無再去諗過,至於冠軍……發白日夢既時候就有試過諗。但……今年,我竟然可以帶領到另一班小妹妹奪得呢個學界至高榮譽既冠軍,到而家我仲未敢相信我真係可以做得到。 3年前因一個機緣巧合半推半就的機會之下,經好拍檔(阿清)介紹我接觸迦密聖道中學女排負責老師(Miss楊),協助幫佢女排既訓練,還記得第一次同班學生在學校英語室見面時,問佢地想要打開心歡樂的興趣班?還是要想要取得某一些成績?佢地不約而同地講出兩個答案:1. 想攞大北冠軍;2. 想試吓打精英賽。當時我細心看看佢地個人身體素質後……..,我只是輕輕地笑著講一聲好呀,咁你地會好辛苦喎,同埋練習出勤要好足先得,而且除咗一星期兩日練習之外,仲要額外加操體能。呢個時候,我諗佢地應該無諗過原來要衝兩個目標係要付出咁多時間。 第一年在練習期間,起初總會有人話因為中六要補課嚟唔到練,又會話身體唔舒服而嚟唔到,連體能練習都只得幾個出席,所以該年的甲組賽事八強出局,乙組四強賽事再次敗於宿敵之下,最終只能奪一面銅牌。 經過一年的洗禮之後,大家終於明白到不能見到曙光才努力,應該要努力去搵曙光。第二年的練習,大家變得非常積極,雖然有人會捱唔住而退隊,但留低既都硬著頭皮地一步一步咁向上爬。結果,甲組衝金成功,奪得失落多年的大北冠軍,同時亦攞到精英賽入場券,但可惜精英賽16強在領先之下因心急而反勝為敗,錯失一次難得八強機會,而乙組更因為懶散的練習導致八強出局。不過,雖然一連兩個重擊直接打落她們身上,但她們並沒有放棄到,相反越跌得痛,越懂得醒覺。 於是由暑期7月開始,除咗要跟家人回鄉探親之外,佢地連旅行都唔去,差不多日日都在排球場中渡過,這些練習要求全出於佢地自發性,就連去台北集訓都係佢地一手一腳去搵機票、住宿及交通安排,我只係搵隊伍同佢地打,係台北五日四夜,足足打咗32局高強度友誼賽,其實呢個集訓佢地的確提升咗好多,但我唔想佢地自滿,所以一有咩做得唔太好,我總會諸多挑剔,我知道佢地好難受,但我更知道我絕對唔可以手軟,一念天堂就會一念地獄,去到最後一日佢地都打到喊,點解好似做極都做唔好咁,見到佢地咁,自己都忍唔住眼濕濕,唯有走出體育館望吓花草樹木,深呼吸一下後,回頭再對佢地嫌三嫌四。 終於踏入9月,學界終於來臨,但學界分組上我們只需要打一場就直入16強,其實咁樣佢地會好缺乏比賽經驗,但幸好佢地能夠殺入最後決賽,再向宿敵挑戰。最終突破宿命,戰勝宿敵並成功衛冕大北冠軍。而下一步就是備戰精英賽,但經過抽籤後,我地被抽中死亡之線,24強就要對筲官(筲箕灣官立中學),如果入到16強就要對荃官(荃灣官立中學),再衝到上八強既話就要對港九D1皇者鄭裕彤(順德聯誼總會鄭裕彤中學),如果又好好彩轆到入四強就要對衛冕冠軍的英華(英華女學校),條線簡直靚到一個點。但都無辦法啦,既然抽籤我地控制唔到,我地不如做d我地可以控制到既野吧!!積極練習及約友賽,正當準備好部署之際,突然收到學體會一個極度撲索迷離既重新將新界區抽籤的通知,而且係已經唔知幾時重抽的決定,結果新既抽籤條線更加嚴峻,地獄17層跳落18層,24強對沙排D1冠軍鄧肇堅(聖公會鄧肇堅中學),16強就要對衛冕英華,去到呢度已經唔諗之後d野啦,當時佢地問我點算,我只可以答佢地諗咁多都無用,死唔去既話先再一日一日咁諗啦,場場都當自己打大佬,過得一關得一關,隨遇而安,逆流而上吧!! 結果24強在有驚無險下險勝鄧肇堅,多謝輝sir及Andy sir的祝賀,但大家都知道面對英華都只得一個答案……。 16強對英華係我最唔想對既球隊,唔係因為要對衛冕隊伍,而係識英雄重英雄(細好),兩隊都值得再走多步才相遇,最終我地能晉身八強,賽後細好更祝福我地要嘗試再走遠d,俾多d人知道大北球隊都可以係爭標份子,唔好浪費咗呢場勝仗。 嚟到八強,又要面對元朗冠軍白約翰(聖公會白約翰會督中學),比賽初段差d俾佢地發球衝散,幸好佢地頂得住,死頂都頂得返上嚟,但就消耗咗好多體力,賽後好感謝家欣讚佢地進步神速,越打越有球味。 衝過八強目標,終於可以奪得一面獎牌,但係咩顏色?先要過到港九D1冠軍皇者鄭裕彤呢關先知。賽前同恩師小良sir傾計想減吓壓,佢問我會點部署及有咩目標,我二話不說就話想試吓走入決賽,但佢即刻當頭棒喝叫我千萬唔可以咁諗,佢話連我呢個身經百戰既教練都想入決賽,你臨場指揮及佈陣一定會受影響,而且班球員既壓力會比我更大,還有連日來「黑馬」的報導,一關又一關咁過,由下風變成上風,身邊所有人都會叫你地殺埋入決賽,其實球員既壓力只會越來越大。呢個時候係要用盤冷水淋醒自己,決賽夢可以發,但唔可以恨,唔可以渴望,做返一隻低著頭死衝的「黑馬」,諗諗最初打第一場你地係想點?想要d咩?初衷係乜?點樣憑熱血逆流而上?仲記唔記得係亞少比賽時點樣失落八強後衝返個第9名返嚟?原來去到呢個時候我都會迷失,幸好有呢座燈塔(佢有1米83高)帶我走返出嚟。 結果,一班鐵血戰士將士用命,決勝局按部署下打出扣人心弦精彩的一局,尤其是帶傷紮住打既心怡,第三局兩記攔網及一記快攻,用意志力忘記傷痛。最終以 2:1 獲勝,但呢場勝仗並唔係我一個人帶佢地打,我背後多咗一名軍師相助,如果無呢個燈塔,我相信一定會跌至粉身碎骨。賽後感謝紹璣sir對一班球員的祝賀,以及讚揚佢地打不死的精神。…

【學界排球精英賽】李文謙再成「二傳MVP」 張曉諾「全面」領聖道成大贏家

【體路專訊】「2018-19年度全港學界精英賽排球比賽」於除夕落幕,拔萃男書院及迦密聖道中學分別達成3連霸及首度奪標,同時亦成為個人獎項的大贏家。兩隊主將李文謙及張曉諾同得「最有價值球員」外,亦各自奪得另外兩個「最佳」獎項。

【學界排球精英賽】「我哋係用生命嚟防守!」 聖道決賽力挫協恩 寫下大北童話歷史性封后

【體路專訊】聖道寫下「大北區排球童話」!迦密聖道中學今日(31日)在於調景嶺體育館上演的「2018-19年度全港學界精英排球比賽」女子組決賽,憑整隊滴水不漏的防守及隊長張曉諾八面玲瓏的表現,以局數3:1擊敗港九區D1亞軍協恩中學,首度打入決賽便奪冠而回。

【學界排球精英賽】聖道「士氣波」 力挫鄭裕彤 決賽撼協恩演「強盾對決」

【體路專訊】「2018-19年度全港學界精英排球比賽」四強賽事今日(30日)假青衣體育館展開,當中女子組兩場均是為「矛」與「盾」的對決,結果首度殺入四強的迦密聖道中學與前冠軍協恩中學同樣鬥足3局,擊敗攻擊力十足的順德聯誼總會鄭裕彤中學及迦密愛禮信中學,明日將於調景嶺體育館上演「強盾決賽」。

【體路直播】全港學界精英排球比賽女子四強

【體路直播】《體路》今日起,一連兩日,會同大家全程直擊「2018-19年度全港學界精英排球比賽」男、女子組四強大戰,仲會請嚟專業評述許培德同譚嘉勝為大家講解。記得Like我哋 體路 Sportsroad page,set埋「搶先看」,直播消息就會即時話你知!

【學界排球精英賽】「夢幻一般的事」 聖道再闖關首戰四強 明硬撼鄭裕彤

【體路專訊】「2018-2019年度全港學界精英排球比賽」今日(29日)於青衣體育館上演八強賽事,女子組「黑馬」迦密聖道中學繼續過關斬將,直落兩局淘汰聖公會白約翰會督中學,歷史性首度殺入四強後將硬撼港九區D1冠軍順德聯誼總會鄭裕彤中學。

【學界排球精英賽】「黑馬」聖道再下一城 勇挫衛冕英華殺入8強

【體路專訊】「2018-2019年度全港學界精英排球比賽」今日(28日)假青衣體育館展開女子組次輪賽事,上午的焦點為「黑馬」迦密聖道中學鬥勁旅英華女學校。聖道面對上屆精英賽冠軍仍能打出水準,全場士氣高昂,使出重扣和快攻力壓英華,成功以局數2:0晉級,殺入8強。

【學界排球精英賽】播《逆流之歌》增信心 「黑馬」聖道晉級明撼英華女校

【體路專訊】一連5日的「2018-2019年度全港學界精英排球比賽」今日(27日)假青衣體育館展開女子組首輪賽事,被稱為「黑馬」的迦密聖道中學以局數2:0擊敗聖公會鄧肇堅中學。雖然第2局鄧肇堅末段曾取得領先,但聖道憑關鍵發球險勝,教練葉寶林賽後指球員的心理質素有很大改善,更透露秘訣竟是較早前特意播流行曲《逆流之歌》。

【學界排球】圓玄二中 迦密聖道齊挫李嘉誠 再登大北區寶座

【體路專訊】「大埔及北區中學校際排球賽」高級組男、女子決賽昨日(16日)於大埔墟體育館上演最後一輪,兩間衛冕學校香港道教聯合會圓玄學院第二中學及迦密聖道中學,同樣擊敗東華三院李嘉誠中學再奪冠軍。

【學界排球】大北區爭標入最後直路 終極決賽本周六上演

【體路專訊】「大埔及北區中學校際排球比賽」高級組決賽第2回合昨日(9日)假保榮路體育館舉行,上年精英賽男子組亞軍香港道教聯合會圓玄學院第二中學承接強勢,暫時在決賽獲得2連勝,本周六(15日)將與同得2連勝的東華三院李嘉誠中學,競逐改制後的首個學界冠軍。迦密聖道中學及東華三院李嘉誠中學亦會在本周六爭奪女子組冠軍。

【學界排球精英賽】「地標戰」惜負聖道 沙排孖妹:替「基智排球」揚名!

【體路專訊】「2017-18年度全港學界精英排球比賽」今日(27日)於青衣體育館正式開打!在首日上演的女子組首階段淘汰賽中,由港青助教葉寶林執教的兩間學校聖傑靈女子中學及迦密聖道中學均旗開得勝晉身十六強。首戰精英賽的中華基督教會基智中學就在力戰之下首圈畢業,不過兩位主將吳海琪及林綺嫻均指今個學年是大豐收,「為『基智排球』揚名!」

【學界排球】圓玄二中 迦密聖道奪大北王座后座

【體路專訊】大埔及北區中學校際排球甲組決賽今天(9日)假大埔墟體育館上演連場激戰。最終由香港道教聯合會圓玄學院第二中學(圓玄二中)及迦密聖道中學(迦密聖道)分別捧走大北王座后座。