仁川亞運開幕式最後綵排

【體路專訊】昨晚(17日)仁川亞運會開幕式在仁川主體育館進行了最後一次綵排。開幕式花費近200億韓圜,成個流程將歷時4小時,內容分四部分,以故事形式講述亞洲從古至今的發展,主題為「遇見亞洲的未來」,第一部分為「很久很久以前的亞洲」,第二部分為「通過大海而相遇的亞洲」,第三部分為「作為家人、朋友的亞洲」,第四部分為「在今天遇見未來,大同的亞洲」,韓國藝人李英愛、張東健、JYJ及金秀賢等人也會參與演出。

仁川亞運主題曲《Only One》率先聽

【仁川亞運倒數1天】大家熱晒身未?今次負責主唱亞運主題曲的JYJ韓國男團組合,相信韓粉不會陌生,三位成員是由韓國原東方神起中的金在中、朴有天、金俊秀組成。

仁川亞運媒體中心全面睇!

【體路仁川亞運直擊】韓國仁川舉辦今屆亞運會,不少運動員及記者均對此趨之若騖,全因韓國集美食、購物之都於一身,連場激戰後大可好好享受。不過《體路》採訪團隊今日(17日)凌晨到達仁川,捱過凌晨機後就於首日隨即到達記者的工作總部— 亞運主媒體中心,率先帶香港讀者深入媒體中心的大本營,繼「海鷗」之後轉吹「韓風」!

韓星出動齊撐仁川亞運

【仁川亞運倒數2天】雖然講起運動強國,大家未必第一時間想起韓國,但講起韓國明星不少人會為之瘋狂。今屆仁川亞運也特別邀請了大批韓星擔任亞運大使/火炬手/表演嘉賓等,屆時他們會現身開幕式及閉幕式,肯定會令粉絲尖叫。

最千奇百趣亞運項目—卡巴迪

【仁川亞運倒數3天】每屆亞運會都有唔少人問卡巴迪究竟係咩項目?呢項比網民大讚係最有趣既項目,原理就似麻鷹捉雞仔一樣!

亞運唯一以人名命名「朴泰桓游泳館」

【仁川亞運倒數4天】早前介紹過今屆亞運最大和最小的比賽場館,但論特色的話,不得不介紹文鶴朴泰桓游泳館(Munhak Park Tae-hwan Aquatics Center),為今屆亞運唯一以人名命名的比賽場館。

北韓300美女啦啦團赴南韓

【仁川亞運倒數5天】北韓係今屆仁川亞運的參賽國家之一,每次北韓參加大型綜合運動會總是會派出啦啦團隊為國家運動員打氣,陣容龐大,今屆仁川亞運北韓就將會進行選拔,組成一個300人啦啦隊,150人為女大學生,150人為演藝人員。

仁川亞運主場館全面睇!

【仁川亞運倒數6天】講到介紹仁川亞運會,點少得各個比賽場地、運動員嘅舞台呢? 今屆仁川亞運共有49個比賽場地,有17個係為咗今次亞運而全新落成架。當中能夠容納最多61,074位觀眾嘅當然係耗資近30億港元興建嘅仁川亞運會主場館啦!呢度唔單只會舉行田徑項目,仲會進行開幕禮、閉幕禮同埋板球比賽。下面條link就以多個不同視角,包括從觀眾席第一身同埋150米上空鳥瞰;務求帶大家親歷其境,360度遊走、置身呢個咁靚靚嘅主場館,真係睇到小編想早D飛去仁川喇! 至於觀眾席數量最少嘅場館就只有100個座位:永宗島白雲山山地單車場。但係絕對唔可以忽視呢度,因為呢度就係我地香港山地單車代表「山地興」陳振興力爭衛冕金牌嘅地方,到時大家記住同佢打氣喇﹗聽日再同大家倒數迎亞運啦! Link: http://www.okticket.com/html/ag/vr/ —————————————————————————————————————————————————————————— 體路亞運直擊由亞聯工程、太陽國際資源有限公司及adidas全力支持!

仁川亞運禮儀小姐遭劣評?

【仁川亞運倒數7天】睇咗幾日獎牌同吉祥物,不如今日就同大家睇吓韓國美女啦! 今屆仁川亞運禮儀小組造型都幾反傳統,一身花鮮子嘅造型,例如韓國的是,裙子上有一朵大木槿花,頭飾加入木槿花瓣的設計,令到每個國家於開幕式入場時都有歸屬感。 不過聽聞禮儀小組嘅造型就受到韓國網民怒鬧,話個頭好似桑拿浴頭咁;不過日本網民就大讚性感得嚟又健康!其實各花入各眼,小編覺得攪攪新意思都係好事,大家又點睇? —————————————————————————————————————————————————————————— 體路亞運直擊由亞聯工程、太陽國際資源有限公司及adidas全力支持!

仁川亞運獎牌吹「韓風」

【仁川亞運倒數8日】每屆亞運會最關心除咗吉祥物,當然仲有獎牌啦!每個運動員都希望掛上頸上面嘅仁川亞運會獎牌就以中間嘅五角形為設計重心!五角形所連接的是天空(Airport)、大海(Seaport)、資訊(Teleport)、休閒(Leisureport)、商務(Businessport)等五種要素,代表住舉辦城市仁川係韓國東北亞樞紐城市。 而係獎牌後面,就史上首次出現同時用韓韓語和英語標記了口號「和平的氣息與亞洲的未來」(Diversity Shines Here),唔知關唔關呢期「韓風」事,等各地運動員都有機會學吓韓文呢!? —————————————————————————————————————————————————————————— 體路亞運直擊由亞聯工程、太陽國際資源有限公司及adidas全力支持!

政治和亞運從來分不開!

【仁川亞運倒數第9日】政治和體育從來都分不開! 歐洲足協因應早前國際局勢,決定俄羅斯的球會不會在所有歐洲球會賽中對烏克蘭的球會,以色列球會的主場賽事就需要移居至中立場舉行。歐盟更考慮會否繼上世紀冷戰後杯葛俄羅斯參與體育大賽,包括下屆由俄羅斯主辦的世界盃。 亞運場上,同樣有類似情況。東南亞小國東帝汶在足球項目的分組賽上,巧合地遇上曾統治她們近24年的印尼,即使東帝汶與印尼關係一般,但東帝汶唔少足球員夢想就係去印尼踢足球,亦但唔少人睇印尼波大,去年已經有3人喺印尼踢波喇!今次亞運對戰或者有種「師傅鬥徒兒」戲碼! 至於對香港球迷嚟講,港足就於07年世界盃外圍賽亞洲區預賽次回合賽事,於大球場對戰過東帝汶或者留下D印象,當時港足以8:0取勝。07年時東帝汶足球隊雖然係魚腩部隊,但事隔咁多年,呢支球隊多年大攪青訓,亞運時或者可以見到佢哋脫胎換骨,踢場好波0架! —————————————————————————————————————————————————————————— 體路亞運直擊由亞聯工程、太陽國際資源有限公司及adidas全力支持!

仁川吉祥物「海豹三兄妹」介紹

【仁川亞運倒數第10日】2014年仁川亞運會吉祥物就係呢幾位「白翎島斑點海豹三兄妹」喇!三隻可愛吉祥物叫做Barame、Chumuro、Vichuon,分別意味「風」、「舞」、「光」,有為人類帶來夢想和希望的用意!