scaa_malaysia_150823-2

【體路專訊】馬來西亞同唔少東南亞國家都有一樣特色,就係塞車,好彩南華練波前後都有警車開路,先至可以暢通無阻。而警車嘅出現,竟然多得隊長陳偉豪?

「豪哥」今日操練後接受香港傳媒訪問,自爆家族有馬來西亞血統,唔通豪哥係大馬拿督之後?呢樣真係要追查一下族譜先知。不過豪哥同一班南華球員對大馬呢個國家一啲都唔陌生,除咗曾喺分組賽作客彭亨,6月亦曾隨港隊都大馬集訓,絕無水土不服同天氣適應問題,相比下而家香港仲要熱啲添。

南華熟悉嘅,當然仲有柔佛教練馬里奧。偉豪就話馬里奧以往執教南華時著重防守,反而米路則較進取,所以佢好希望柔佛可以貫徹馬里奧嘅防守作風,令到首回合作客拉成均勢,再返主場搏過。不過偉豪都預測佢同保贊周二會遇上主隊狂攻,問到佢會否擔心柔佛星級射手費古路亞,偉豪霸氣表示:「足球係踢11個人,若是論球星,南華以前也有過畢特及基士文助陣。毫無疑問費古路亞的把握力非常出色,希望盡所能減少他的起腳機會。」

scaa_malaysia_150823

可以想像今晚已成了柔佛不眠夜,沿沿不絕嘅車龍同人群,與舉行巴士勝利巡遊嘅柔佛將帥夾道同慶,而呢個咁壯觀嘅畫面,相信只係星期二晚的一小角,沉著應戰,大家到時都要為南華遙距加油呀。

至於球隊今日抵埗後隨即展開集訓,黃昏操練前教練米路强調作客戰果的重要性,著各人必須注意休息及盡力做好本份,應付比賽。

資料來源:南華足球隊

Comments