【渣打香港馬拉松.專訪】你的名字我的姓氏 SZERO並肩跑過高山低谷



【體路專訪】今年的渣馬頒獎台上有不少三鐵人的身影,不過三鐵要兼戰全馬卻不算多,「粉紅大佬」司徒兆殷(Leanne)是其中一個。今年她首戰渣馬全馬就跑出「Sub 3」佳績(3小時內完賽),背後有同樣是三鐵運動員、任職體適能教練的未婚夫凌梓俊(Zero)功不可沒。他為Leanne包辦制訂訓練、按摩治療、沿途打氣粉紅戰衣之上的隊名「SZERO」由「SZETO」和「ZERO」合組,以你的名字配上我的姓氏,印證運動路上我中有你、你中有我。

Leanne中學起參與三鐵,曾代表香港出戰2014年仁川亞運,後來她離開港隊專注機械工程師工作,繁忙工作不阻其運動熱情,多年來一直兼練三鐵,疫情下三鐵比賽悉數停辦,反成Leanne初戰香港全馬的契機,「以前練開三鐵,唔會放到咁多心機喺跑步,而家反正都冇得鬥三鐵,倒不如認真去練一次全馬。」Leanne2005年已參加渣馬,不過當年未敢挑戰全馬,直至兩年前她在世界六大馬拉松之一「柏林馬拉松」挑戰初馬,跑出3小時9分15秒,讓她決心跑出一次「Sub3」成績

然而今屆渣馬賽事由報名至落場只得星期訓練,難度和壓力同樣大,Leanne坦言:「鬥一場全馬係難過三鐵好多。」 這次,Zero就成為「粉紅大佬」的幕後軍師,還笑稱自己是「粉紅大嫂」。Zero謂:「今次我做支援角色,幫佢睇訓練,計下佢訓練會唔會太辛苦,幫佢拉筋、按摩同拔罐,幫佢做恢復。」

這備戰渣馬前的八星期,Leanne每天堅持清晨五時起床練習Zero清楚Leanne性格,這位幕後軍師說其職責就是要「拉住佢」,免她因操練受傷然而上月初打風期間,Leanne自忖訓練時間緊,不欲停下腳步,逕自出外練習,結果不幸「拗柴」,幸有Zero替她急救治,才能迅速痊癒重提事,Zero沒好氣笑說,「咪唯有一路佢,一路幫佢整(治療)囉。」

一般情侶談情拍拖不外乎行街睇戲,這對「粉紅情人」則奉行「一日不練習,一日不吃飯」的「家規」,平日Leanne下班後就去訓練,Zero工作繁忙,經常朝七晚十,Leanne完成訓練剛好可買外賣到其公司相聚;每逢周末兩人就會放下工作,共同訓練Leanne疫情前兩人不時會請假到外地參賽,「啲人覺得我哋去旅行都係比賽好悶,但其實我哋好享受去唔同嘅陽光與海灘地方比賽,比賽後就可以輕鬆放個假,呢啲旅程都係唔同嘅Honeymoon。」Leanne感言三鐵於她乃人生不可或缺的部分,慶幸遇上了解並支持她的伴侶,「我由13歲到而家都仲練緊三鐵,如果我遇到唔支持我運動嘅另一半,我諗好難一路走落去。」

儘管今次只Leanne一於渣馬賽道上奔馳,但「SZERO」其實一直緊密合作,開賽前Zero連連提點未婚妻緊記控制速度,「佢平時慣有力就會放,力就減速,所以佢離開我視線最後一刻,我都提佢一定要睇錶,要信數據。」渣馬開賽後Leanne化成GPS上的實時數據,Zero金睛火眼全神貫注,「我一路睇住GPS,幫佢數下前面有邊個跑手又怕個程式計得唔準,做唔到『Sub 3』,程式計完自己再幫佢計一。」漫漫長路,又豈是孤身前行?當Leanne跑入銅鑼灣最後直路時,Zero穿越重重人群,覓得空位在路側為她喝打氣

司徒兆殷以2小時55分08秒完成香港初馬,衝線後她不禁感觸落淚。(圖:體路資料庫)

 

八星期艱苦練,換來2小時55分08秒的成就,女子組全馬全場第四,Leanne以鐵人身分追上跑界對手,衝線一刻苦盡甘來,感觸落淚。「SZERO」的婚禮將於下月舉行,Leanne希望明年渣馬可與Zero一同參加,「我哋想一齊衝線。」一人快不如兩人遠,今次是「粉紅大佬」,或許下次衝線時名銜已是「粉紅夫妻檔」。

圖、文:洪量丰(部分相片由受訪者提供)

想了解更多第十四屆全國運動會香港隊資訊,請瀏覽www.lcsd.gov.hk/14NG
Share via
Copy link
Powered by Social Snap