【體操】石偉雄長文透露斷韌帶仍戰世錦:如果唔試連堅持兩個字都唔洗講



【體路專訊】正在日本北九州出戰體操世界錦標賽的石偉雄今日(20日)在社交網站撰文,透露自己在東京奧運一戰後腳腕內側兩條韌帶斷裂,但仍堅持9月到波蘭集訓及出戰世錦賽,形容集訓期間「冇一日係唔痛嫁,果種痛令到我懷疑人生」,但直言雖然係有啲冒險,但如果唔試,連堅持呢兩個字都唔洗講啦!」昨在資格賽只跳一跳的「石仔」又感謝教練Sergiy、容樹桓醫生、體育學院物理治療師、隊友及女友植詠珊。

石偉雄在東京奧運受傷。(圖:體路資料庫)

石偉雄在東京奧運預賽使出兩跳「李世光跳」,但在第二跳落地時失足,未能躋身決賽之餘亦要撐拐仗接受傳媒訪問。雖然他回港後走路已可放棄拐仗,亦於9月飛到波蘭集訓備戰世錦賽,但「石仔」昨日在世錦賽資格賽只以難度較低的動作-前手翻屈體前空翻兩周出戰,而且只完成一跳,最終未獲排名。

「石仔」昨晚賽後在社交網站發文,先向支持者說對不起,「李世光暫時要休息一陣,不過佢好快會返黎」。他透露戰畢奧運回港後發現腳腕內側兩條韌帶斷裂,一直擔心未能及時出戰世錦賽,亦猶疑應否接受手術。直至出發到波蘭集訓前一星期,體院顧問醫生容樹桓才容許「石仔」開始慢跑:「多謝容醫生決定比我去,雖然係有啲冒險,但如果唔試,連堅持呢兩個字都唔洗講啦!」

(Photo Credit:石偉雄 Facebook)

石偉雄指自己在波蘭「冇一日係唔痛嫁,果種痛令到我懷疑人生」,但仍選擇「痛住恢復保持到動作感覺」。他指類似傷勢一般用數個月恢復,但今次只用個多兩個月復康,直至臨出發到日本前仍未知能否落場,笑言教練詢問痛楚時心想「你係咪玩我丫鬼佬,梗係痛丫」,但口中仍回答沒有。石偉雄續指自己狀態未足百份百,同時亦是首次只在比賽跳一啞,但教練與自己仍對恢復進度「絕對收貨」,比賽心態亦一直準備好:「斷左一隻腳都仲要繼續跳,知我咩料啦」。

他最後感謝容樹桓及中大醫院的治療師、體院治療師、教練Sergiy、吳翹充及詹文軒等隊友,更特別感謝女朋友、前體育記者植詠珊:「多謝你呢段時間陪我一齊行,好開心可以比我遇到你」,對方亦在Instagram回應「以後都陪住」。

想了解更多第十四屆全國運動會香港隊資訊,請瀏覽www.lcsd.gov.hk/14NG
Share via
Copy link
Powered by Social Snap