【體路專欄】冬天跑步如何防止皮膚爆坼/龜裂/乾燥同皮膚刮損?



跑步,體路專欄,屈旨盈

【體路專欄】跑步時有啲位置重複摩擦時容易將皮膚擦傷,常見位置有大髀內側、腋下、手臂內側,我會搽凡士林保護,仲有一啲地方我都會搽凡士林,就係bra top底圍同肩帶位置,男士會貼乳貼保護自己,減少摩擦免得磨損,好痛㗎!

至於對腳,腳跟對上位置都有刮損嘅機會,著高少少嘅襪可避免依個情況。腳跟位置也有機會磨損/磨到起水泡,可能係對鞋size太fit/太大,厚襪薄襪都有影響,試吓唔同嘅配搭去改善情況。

護膚心得

冬天天氣乾燥,皮膚容易爆坼,平時做好保濕,啲皮膚會舒服啲。我習慣沖完涼搽護膚霜,依個時候身體最乾淨,即時為皮膚保持水分。至於塊面,我搽保濕面霜為主,日頭加防曬,夜晚就搽厚少少瞓覺,不時敷保濕面膜,滋潤皮膚,咁就無咁易爆坼啦!

文:香港跑手屈旨盈

想了解更多第十四屆全國運動會香港隊資訊,請瀏覽www.lcsd.gov.hk/14NG
Share via
Copy link
Powered by Social Snap