完成個幾月的海外比賽和訓練,終於可以返香港休息一下享受下在家的時間。

好多朋友都會好羨慕我可以經常四圍去,去好多唔同國家和地方。的確如果我唔係做運動員的話,我諗我都未必會有機會去咁多國家。今次就等我同大家分享下幾國個我去過的地方。

最經常去的地方﹣荷蘭

由於教練係荷蘭人的關係,所以每年都總會有機會去一次荷蘭練習或比賽,所以大大話話都去了5,6年了。荷蘭可以算係我最喜歡去的地方,因為無論空氣,環境和人都會讓人感到好舒適。而我最欣賞的是荷蘭的單車徑,荷蘭的單車徑幾乎可以去到所有地方,比起香港要跟汽車分享一條窄窄的馬路,那裡真是比較適合踏單車。

OLYMPUS DIGITAL CAMERA

逗留最多時間的地方﹣英國

英國,其實對這個地方好感一般…並不是不喜歡英國,只係那裡的天氣真的令人很難適應。落雨,凍都係我記憶中的英國。但由於要準備奧運會的關係,所以每年都會最少留一個到兩個月,好像2012年我在英國的時間可能比我在香港的時間還要多!

IMG_0020

最意想不到的地方﹣以色列

可能係新聞的關系,印象中以色列係…打仗,大廈會有幾個洞,隨處都會有打戰火留下的痕跡。但其實和我想像中的有很大分別….Tel Aviv原來係一個好熱鬧好靚的一個城市,人們都過著正常人的生活,更加唔會見到有打仗的痕跡。沙灘更加係我去過數一數二靚的沙灘,水清沙幼,每日都會有好多人在沙灘party和玩水,十分熱鬧!

IMG_5253

比賽成績最好的地方﹣泰國

唔清楚係咩原因,每次去泰國比賽都會有唔錯的成績,世青冠軍,亞洲冠軍都係在泰國贏得….所以我相個有一種神奇的力量令我喺泰國比賽發揮會更好。(不過都係講笑,要贏比賽最重要都係努力練習和充足的準備!)

DSC_0251

每個地方都有住不同的特色,不同吸引人的地方,但我最喜愛最掛念的地方都係香港。雖然佢無一條四通八達的單車徑,空氣唔算清新,人多地方又細。但呢d都係香港特別的地方,有住一份特別的親切感,呢到亦都係我覺得全世界夜影最靚的地方!

IMG_2280

 

香港滑浪風帆代表

梁灝雋
2013年3月17日

Comments