減肥駛唔駛戒碳水化合物?



20140603-jerryliu

【體路專欄】唔經唔覺studio已經開咗個幾月喇,係呢段時間除咗一班舊有嘅朋友仔之外,仲多咗好多新嘅朋友仔,但係不論新嘅舊嘅,大部分都有共同嘅目標 – 減肥。

從朋友口裡或一啲網站都會話減肥要戒碳水化合物,每次聽到呢類說話我都覺得呢類訊息真係累死人!

首先大家要明白到“減肥”係要減去身體嘅脂肪而唔係肌肉,我地係可以(要)透過做帶氧運動去減低身體嘅脂肪率。

咁當然我地需要能量先有足夠嘅力氣去做運動啦 ,而我地就需要碳水化合物去提供能量比我地喇,而且可以話係“好需要”,因為我地一日大部分嘅能量來源就要係碳水化合物度來,況且燃燒脂都要能量架!

如果缺少咗碳水化合物會令我地身體嘅水分流失、失去集中力同增加食慾,所以如果你有朋友係戒碳水減肥嘅話,你可以留意吓佢地嘅皮膚係咪好乾、同成日吽吓吽吓咁。

以近年一啲爆肌嘅藝人為例,大家之前見佢係肥仔一名,當佢做完一輸gym、戒碳水化合物同每日跑一小時出來瘦咗嘅效果,大家只係應為戒碳水就得,而skip咗佢都要做運動果part,淨係抽咗自己想睇果段出嚟,人地都係有做重力訓練配合先得。

要減肥,阻力訓練(重力訓練)同帶氧運動係需要兩者配合嘅,尤其係最緊要快見效嘅香港人,係ACSM 2010嘅體適能指引,一星期最好進行3-5次,每次最少20分鐘嘅帶氧運動,當你跑夠30分鐘再連埋熱身都係一個鐘頭左右姐,基本上可以話你唔抽時間做吓帶氧運動,減肥就唔駛諗喇。

與其大家成日諗縮數想唔駛做運動就減到肥嘅,你又睇吓塊鏡,唔食飯嘅你又真係瘦咗幾多?線條去咗邊?又或者浪費咗幾多錢去買減肥產品……?又得到啲咩??

減肥/練大隻都係一個要長期keep住嘅大project,相信那些一個月減十幾廿磅嘅product,咁倒不如認認真真安排一下運動時間表,食個飯再動起來啦!

**想知更多體適能資訊可到我的Facebook Page “高級私人教練 Jerry Liu”,多謝支持!!

 

Jerry Liu’s Fitness Studio
荃灣沙咀道66A豪力中心7樓702室
預約電話/Wtsapp :5578 0443
Email:[email protected]
 

健康資訊專欄:
Facebook Fan Page “高級私人教練 Jerry Liu

Facebook Fan Page “適能平台 Sport Science
Facebook Fan Page “Jerry Liu’s Fintess Studio
生活易健康生活網 healthyD.com 專家 Blogger
本地體育資訊網《體路》Sportsroad 體路專欄
男性生活資訊網 MenClub.hk Blogger
Share via
Copy link
Powered by Social Snap