Olympics Day 9 Fencing 7KoHPqGUU6ul

上月因國際賽期的關係逗留咗喺劍擊王國– 意大利,與部份國家隊成員一齊訓練一星期。我哋以往的集訓地以匈牙利為主,意大利則是第一次。今次託前總教練馬思武的福,幾經辛苦,終於俾我地教練安排到是此集訓。

畢竟係第一次,我哋前一天晚上還特地去探探路。我哋要去的地方是意大利國家隊的集訓地,有好幾個頂目都在裏面,情況與香港體育學院差不多。打開劍館嘅大門,第一個見到嘅竟然係意大利的巨星Montano Aldo ,完全呆咗…如果Francesco Totti(托迪) 係足球界的王子,咁Montino就係劍擊界的王子,佢擁有模特兒身材、魔鬼嘅笑容和嚇死人的履歷,絕對應該簡稱佢為「男神」。

IMG-20140304-WA0012

為了寫這篇blog特地去wikipedia下男神,才發覺佢係來自火星的⊙_⊙
佢擁有4塊奧運獎牌,包括2004雅典個人賽金牌,以及多不勝數嘅世界賽獎牌外,佢爺爺和爸爸都係劍擊運動員。三個都叫Aldo Montano,三代都係意大利骨幹成員,三代都去過奧運,更可怕係三代都曾經奪得奧運獎牌!一共9面…問你怕未。所以幾時都話,優良的基因係好重要,現在終於知道甚麼叫輸在起步線上…

往後的一個星期,你會發覺自己的眼球會不其然被男神吸引住…hahaha 不過你會發現,現年36歲嘅佢重可以喺世界立足,不但係大家對佢的敬仰,最重要係佢對劍擊認真和堅持。佢這份態度亦成為良好的榜樣散播給年青的劍手,帶領他們變得更強!

Comments