巴西莓的肌肉回復力



20140314-jerryliu

【體路專欄】我時常都講要健康地減肥都離不開做帶氧運動同重力訓練,而我地進行訓練後,正常都會有疲累感,如果得到適當的休息同補充,除了能令我地係訓練中得到良好狀態外,還能令我們在外觀上顯得更有活力和動力;相反則會令我們的狀態每況愈下,不能發揮出應有嘅水準。

講到休息,大家一定聯想到“睡眠”,無錯~得到良好的睡眠有利於肌肉回復、能提高運動持久性,加拿大一項研究中指出適當睡眠亦有助減重。

休息過後食物嘅補充亦都好重要,上次講過巴西莓有好多好好嘅功效,而提高肌肉回復力都係巴西莓嘅其中一個功效,跟運動一齊配合得好的話會係減肥嘅妙品,巴西莓近幾年係歐美地區係好hit嘅健康食品,外國有醫生係電視節目上稱巴西莓係抗老化嘅聖物。

巴西莓含有豐富蛋白質、維他命E、維他命B1、鉀、鐵同鈣等,可以增強大家嘅免疫系統令大家充滿活力,當然就係唔少得修復肌肉及恢復體力嘅功效啦。

有好多人減肥首先就會節食,其實節食會令我地嘅肌肉流失、減慢新陳代謝、容易疲累、失去活力等。其實只要有均衡飲食,例如唔好食得咁重口味、少糖、少油、少汁、少油炸食物, 再一星期抽3-4日做吓3、40分鐘運動,就算唔節食,減肥都唔係難事,而且做得運動多,會增加我地嘅毛細血管,令到我地會增加養分吸收、望落去毛孔會細啲同有光澤啲。

所以話如果能夠配合適量運動、均衡飲食同足夠休息的話,減肥瘦身就話咁易啦。
**想知更多體適能資訊可到我的Facebook Page “高級私人教練 Jerry Liu”,多謝支持!!

國泰、Germagic及Canon 全力支持體路東京奧運之旅。由2019年10月至2021年8月期間,國泰、Germagic及Canon將全力支持體路直擊香港奧運運動員「Road To Tokyo」之旅,體路「Road To Tokyo」專頁現已面世,立即Click入呢度,一齊 #撐起港隊。
Share via
Copy link
Powered by Social Snap