【體路專欄】 一提起今屆港甲,大家第一個印象係乜?相信超過9成人都會諗起季中爆出o既負面新聞,但其實仲有好多好o野,值得夏體硬學習。

尤記得季初,太陽飛馬第一次主場,就將旺角場外觀大變身;重返甲組o既東方沙龍亦有好多新搞作,最惹人注目就係搵o左成班打氣天使入場,就算質贏唔到你,都起碼以量取勝先。

有留意港甲o既球迷亦都會發現,上述兩隊今季都有吉祥物,數數埋埋,連埋南華個波男、傑志隻傑仔等等,今季吉祥物數目都可以話係歷來之冠。其實足總班Marketing大可以效法日職,季前搞個吉祥物大曬冷,一方面可以話畀人知自己有做o野,另一方面又可以協助港甲球隊增加曝光率,對自己搵贊助都有幫助啦。

我o地夏體硬唔似足總鳳凰計畫咁,可能用高薪請班人去搞Marketing,一直只係靠國足主同富足主加埋贊助商去搞宣傳。o係度爆少少畀大家知,其實夏體硬亦有意思設計番隻,不過用咩o野動物做主角,就仲係草擬階段,初步就有以下幾個構思,大家不妨投下票。

20130410095950_42134

1     蝦

解說:取其似Har的諧音,已製成會徽,不過一襯上波衫上o既橙、紅色,就好似煮熟o左咁,唔多老黎。

2 龍

解說:黑龍波之祝福實在非同小可,不過今年威力略減,原因不明,一問佢點解就笑淫淫,令人不寒而慄。

3 驢

解說:有睇開本地波朋友,都深知驢神之法力,絕對不在黑龍波之下,所有面向住佢o既球員都會突然失準,而圍繞驢神方圓十米o既攝記,亦絕對會無貨交,傷亡枕藉。

4 馬

解說:呢隻馬唔係馬場o既馬,而是棋盤上o既馬,仲要係識行田;缺點就係有頭無尾,易畀女飛。

5 牛

解說:本身係港甲忠實擁躉,其實同夏體硬無乜直接關係,不過佢每個post都隱藏無窮暗黑力量。但如果佢當選,比賽時就出唔到post,大家可以心安理得。

各位如果另有心水,可以PM畀我,投票日期到富足主話截止為止。至於係選吉祥物定不祥物,睇你點睇o架o者。

富足主
logo-dlm-small

Comments