【體路專欄】波總最近就因為快活谷停賽單野搞到好頭痕,講起停賽,夏體硬都曾經遇到類似既事件。

事緣係N年前既記協盃,夏體硬分組賽出線,當時既夏體硬雖然實力都算係唔差,但成套陣容同而家既「巨型班」仲係有一段距離,當時八強對手係良心台亞記,佢地派出既正選陣容就得人驚喇,包括左著名港隊洋將巴貝利,以及一位乙組前鋒,我地夏體硬就貫徹「掉那媽,頂硬上」既精神,派出最強陣容迎戰。

由於技術上無優勢,著名既8+1斬戰術就成為我地既秘密武器,當時夏軍以有線杜奧巴陳漢威為首,拍住3個衝得頂得既隊友組成「四塔」硬撼,逼到良心台都退守半場,不過對方攻力始終太強,最後我地輸1比2 根據賽例,甲乙丙組現役球員都係唔能夠出戰記協盃,要退役三至五年先得,即係話良心台其實係違規,賽後我地成班坐左係場外面,大家你眼望我眼,無聲彷有聲,由於賽前已經略略知道對手違規,考慮到輸打贏要實在難過自己一關,最後決定唔追究,當晚相信大部份隊友都失住眠咁聽《全世界失眠》。

後來有一位行家睇唔過眼,入信指亞記違規,賽會判我地贏三球晉級,而當屆我地亦爆冷打到入決賽,拎到個亞軍返黎,講左咁耐,其實講咁多歷史做乜Q呢?無既,22號星期六朝早9點半,就係我地同ATV重遇之時,賽事於櫻桃街上演,唔收門票免費入場,女事們更加可以得到副足主香吻一個同合照一張。

1912232_10152265138254804_847965968_n

Comments