IMG_2650大家好~先祝大家快年進步,萬事如意,身體健康,一帆風順!!!

今年農歷新年因為要準備世界賽的關係,所以又再次不能留港過年。雖然係咁,但依家科技發達,遠在巴西都可以在網路上感受到香港過年嘅氣氛!再者剛好遇上巴西一年一度的嘉年華會,好比我感受到熱鬧嘅氣氛。
先介紹下依家身在的地方,Búzios位於巴西里約熱內盧東面一個小城市,由里約熱內盧開車去大約3個小時。呢個漁村小鎮其實真係無咩特別,最多只係有時會有大型遊輪停泊在岸邊,街上先會多點外國人,否則大多都是本地人,亞洲人就更加少見。但對於喜愛水上活動的朋友來說,Búzios可以算係天堂,無論windsurfing、surfing ,呢度都有不同地點等你去玩。呢度主要有兩個沙灘,一個風比較大,另一個浪比較大,而兩個沙灘相距只需步行10分鐘,所以好多外國賽手都會在練習後到旁邊另一個沙灘沖浪放鬆下。
 Screen Shot 2013-02-19 at 11.52.52 PM
喺我地黎到Búzios後先知就剛好遇上一年一度的嘉年華會,我和隊友當然去感受下當地氣氛。雖然我地只能在漁村感受當地的嘉年華,但熱鬧程度可以比上香港年宵一樣,入夜後人比中午時份更加多,人山人海,不少人都穿上很特別的衣服,街上都有著森巴的氣氛。如果有機會一定要去一次里約熱內盧感受一次當地最大型嘉年華會的氣氛,一定會很好玩!
距離比賽仲有一個多星期,接下來都會專心訓練準備比賽,希望新一年會有更好的成績!

Comments