Hartiend就是如此受歡迎



呢兩個月喜事一籮籮,先係有「夏體硬杜奧巴」之稱既阿威小登科,再黎月中就到「夏體硬雞巴謙」5+him拉埋天窗,話晒兩位係球場內外都為夏體硬立下汗馬功勞,作為足主既我一定會識做,親手寫張賀卡當係人情送俾佢地,講心唔講金嘛。

近期少林寺同二奶隊都積極擴軍,其中少林寺就簽左踢過利記既荷蘭仔返黎,二奶隊聽聞好似斟緊基維爾添,認真不得了,不過作為宇宙最強體記代表隊既我地,亦都唔係懶懶閒,上次我同富足主北上肇慶代表體記出戰省港盃時,已經斟到一位前港隊代表口頭承諾加盟,至於邊個呢就唔爆響口住,畢竟大家睇開甲組波都好明白99.99係唔等於100%呢個道理,但正如我地陣中既首席鋼門高超,以及短暫效力過我地既高尼路,當初都係由口頭承諾開始,目前只要傾埋細節,一落實就會向外公布。

(呢位援兵曾經上山,亦踢過方向隊、天光隊同快活谷,目前為大婆台講波,絕對係堅野)

講起呢位援兵,我地陣中既靚仔球星基因,最近亦做埋佢同事,成功躋身講波佬行列,d人成日話靚仔無本心,不過似乎唔適用於基因,佢無好似其他世界級球星咁,一有路數上位就見利忘恩,對於我地呢間捧紅佢既球會,佢一直念念不忘,唔單止每日兩三個電話打黎向我請安,最近大婆台搞既盆菜宴,佢仲專登著埋我地既隊衣出席,間接幫球隊宣傳,認真唔話得。

佢成日同我講,話d女仔聽到夏體硬呢個隊名,個個都即時面紅耳熱,癡身癡勢,原本我都當佢_up當秘笈,之但係佢尋晚upload左張咁既相,就真係唔到我唔信。

DLMS_GENE

唔怪得咁Q多人話想加盟夏體硬啦…

國足主
logo-dlm-small

想了解更多第十四屆全國運動會香港隊資訊,請瀏覽www.lcsd.gov.hk/14NG
Share via
Copy link
Powered by Social Snap