4af69256b9371今日唔講政治,講故事。

話說富足主有位由細玩到大o既好朋友,最近呻話覺得自己愈來愈追唔上時代步伐。富足主就唯有 聽o下佢有發牢騷啦,原來係講佢隊波。

朋友叫阿西(一睇就知唔係真名啦,為免秋後算帳,用化名穩陣o的),咁佢隊波,叫西波(都係 化o既),個班主最近唔知咩事屎忽痕,叫班球員換過哂o的波砵。咁阿西不嬲都係穿我舊鞋,因 為[廣告]NIKE好著丫嘛[廣告],但班主話最近買o左一批全天候新砵,真草又踢得仿真又踢得 ,行街睇戲食飯又得。美其名就話新砵,但說穿了咪又係為o左慳錢,一對當兩對用,識波之人都 知硬係差o的o架。阿西球技雖然麻麻,但習慣o左對舊砵,間唔時都有入波助攻,家陣又要重新適 應過,到時可能行都有問題,真係慘到hi hi。

之後阿西又話,呀班主最近有個怪癖,就係好鍾意見到大家入完波o個o的慶祝動作,總之愈誇張 就高興。於是o的領隊同教練,依家已經唔係教大家踢波o架啦,練親波都係教大家點樣慶祝。後 衛冇機會入波咩,咪上去射波囉,就連因為行唔郁而被逼守龍o既,都可以隨時走上去踢前鋒,總 之為求入波慶祝,話之你根本後防唔夠人,完全本末倒置。最慘o的領隊同教練本來都係踢波出身 o既,但為o左搵食,連最基本o既o野都可以拋諸腦後,你話係咪痴根先。

富足主聽到呢度,就嘆口氣同佢講,阿西,你幾廿歲人都唔化,家o下o係香港搵食,邊度仲話睇 你做唔做到o野,梗係睇你擦唔擦得老細掂o架啦,各行各業都係咁,無一行可以例外。阿西聽到 呢度就靜o左,成個人灰哂,遠睇成個矢吹丈咁。

講完。

富足主
logo-dlm-small

Comments