sportsnetwork

足主平時是很少看電視的,無辦法,作為夏體硬這種大型業餘球會的足主,日常應酬頻密是很Universal。

上星期五,我就望住個電視睇足成節新聞,然後上網睇各大網友球迷洗版,睇乜野?當然係我地隊友黑龍波。

相信有睇開甲組波既忠實球迷,都會知道有「Sports Network」呢個體育節目,而呢個節目正正係由黑龍波同另一位隊友阿秋主理,如果仲係無乜印象,大家可以再諗諗舊年公民既法圖斯,一野震驚全球蠍子式烏龍波,能夠捕捉到呢球咁難得一見既烏龍波,並上載Youtube有成五百幾萬點擊率既,就係「Sports Network」既功勞。

認識黑龍波既朋友,對佢最深印象可能會係佢祝福邊個、邊個就會大鑊既特殊能力,就好似舊年佢祝福過狼英,結果狼英今年由年頭到年尾都無好日子過,黑龍波對於工作有一份執著:潮流興講「放下」,近期JUNO套新片都圍繞「放下」做題材,偏偏黑龍波對於體育、特別係甲組波有一份執著,人家收錢都未必有得播既賽事,佢都會仆心仆命去做,其實如果唔係呢份執著,可能大家就錯過左好多俾各大傳媒忽略既精華片段。

HKTV雖然收皮,不過一日隊友一世朋友,夏體硬是很有Human touch既球會,只要黑龍波同阿秋兩位唔係得罪富足主,球隊永遠都會與你們同在。

至於得罪富足主會有乜野下場同後果,睇我FB搵兩搵就知,唔想太煩的話,click番上期都略知一二。

國足主
logo-dlm-small

Comments