新戰衣公布



今屆記協盃將於下個月開鑼,雖然夏體硬一向嚴格執行入隊審查,逢係靚仔過國足主、又或者條頸硬過富足主呢o的,一律要過主,但係由於參賽人數有限制,作出取捨在所難免,國足主呢排就為選人而煩惱。不過佢同富足主都有個共識,就係唔理你有冇大報或大台背景,只要係恆常出席練波同埋球隊活動,就會有得入選,透明度絕對高過港隊選人,一定唔會順得哥情失嫂意。
夏體硬成軍在即,亦係時候公布一下我o地件新戰衣。新一季我o地會繼續同NIKE合作,早前經過內部投票之後,就選定o左一件紫色戰衣。資深o既球迷可能知道,夏體硬成立咁多年,幾乎咩色波衫都有,就係差隻紫色。

dlm-1

如果大家咁諗都唔係錯哂,但係o係富足主心目中,「紫」色更深層o既意義,可以當係懷念一下我o地o既四號門將「子龍」。綽號黑龍波o既佢,最近成為電視發牌制度下o既犧牲者,至於佢仲可唔可以出戰記協盃,就有待再有關方面再研究。
最後講番o的開心o野,夏體硬上屆首奪記協盃,家住元朗既富足主就獲封為榮譽市民,有關方面仲想話畀條街我冠名,不過富足主向來唔鍾意出風頭,於是就借花敬佛,由國足主執二攤頂上。國足主前幾日已經入o左去「領獎」,大家下次入元朗睇波,不妨都行過去參觀下啦。
__ 1
__ 2
富足主
logo-dlm-small
image_pdfimage_print
Share via
Copy link
Powered by Social Snap