20130905-boxing02

【體路專訊】「立技綜合格鬪技」結合了拳、腳、摔、鎖等格鬥技巧於一身,觀眾將有機會親眼在10月1日舉行的「Energy Fight 2013」拳賽中欣賞得到。就連藝人楊焉、王宗堯和陳蕊蕊也會出戰明星賽,現正積極練兵,眾人練到手瘀腳瘀,絕非玩玩下!

20130905-boxing03

世界級拳手兼是次賽事主辦方榮拳館館主向柏榮,特意於今次比賽引入「立技綜合格鬪技」,他形容「立技綜合格鬪技」的比賽對觀眾而言,能夠提供良好的觀賞效果:「外國一般嘅綜合格鬥好多時兩個選手都會落地進行地戰,對於觀眾而言兩個人攬埋一舊其實冇咩好睇。相反,站立式綜合格鬥最大既好處係選手格鬥只在雙方站立時進行,可以比觀眾清楚睇到選手拳拳到肉,效果比較逼真。」

但他同時提到在香港推廣博擊運動甚為艱難:「首先係場地問題,香港嘅體育場館使用率好高,而且好多場地都要預先一年左右去Book,但我地搞呢啲比賽根本無可能知道同掌握到一年後會發生咩事,所以對我地黎講場地問題十分困擾。」向師傅已計劃明年五月再辦拳賽,現正積極尋覓更多贊助單位協辦賽事。

20130905-boxing01

今次賽事有增設明星賽,並邀請到藝人楊焉、王宗堯和陳蕊蕊上擂台一展拳技。已愛上泰拳運動的王宗堯直言以前覺得泰拳很暴力:「未接觸前其實覺得好暴力,唔適合自己,但機緣巧合地接觸左之後覺得呢樣運動好健康。」學習泰拳已有兩年,雖然為了工作,但仍為了今次賽事,每週抽兩天回來操拳,望以最弗狀態出賽。王宗堯說會聽足師傅吩咐:「師傅特別提我地比賽果陣要注意與對手距離既問題,太遠進攻唔到,太近又容易被人鎖住。」

20130905-boxing04

20130905-boxing06

至於,女藝人打泰拳相信大多會害怕花容受損,但楊焉卻謂無有怕,並謂操拳已經練到周身瘀:「我為左比賽都操到手腳都瘀哂,打比賽預左會受傷,只要唔嚴重到斷手斷腳我都冇問題。」另一女藝人陳蕊蕊則謂操拳期間也曾經受傷,擔心到時會影響出賽表現,但會盡力而為。屆時明星賽會採取計分制,總三回合,每回合兩分鐘,休息一分鐘。

20130905-boxing07

「Energy Fight 2013」拳賽會於10月1日(星期六)假深水埗北河街體育館舉行,屆時將進行10多場精彩拳賽,賽事只招待會員。

查詢:2730 3991(榮拳館)
文、圖:實習記者 蘇肇朗

Comments