看了張家輝和彭于晏主演的「激戰」,喚起了自己從前為了達成目標既奮鬥史。

yan1

為左目標,不惜一切咁去博命訓練,當中既辛酸,我唸唔係一般人能夠明白,戲中提及到兩位主角各自都有不同既目標而去訓練出賽,在訓練期間亦出現唔少既金句,好似「意志,係所有比賽致勝之道」、「上到場就唔好怯,一怯,你就輸成世」、「記住自己為左咩黎出賽」等等,完全說出了我們運動員既心聲。

yan4

睇完一套咁熱血既「激戰」之後,不少也燃燒了我心中果團火,好想回到從前那樣無憂無慮咁去拼搏,好可惜,不知道是開心還是傷心,我終於收到了期待以久既工作機會,不得不放棄游水了。

開心,是因為用了差不多一年的時間,當中發生了很多事,我都能夠堅持到最後,比心機咁考到了這份工作。傷心,是因為我要離開我生命中令我活得燦爛既游泳生活。計一計,我在泳池打滾左都有差不多十八年,第一次代表香港比賽係2002年,直到而家都有十一年了,真的真的有點捨不得。

我唔係什麼香港游泳既傳奇人物,但我對游泳既堅持,自問都算係數一數二吧。下星期一26號我就要入營受訓,剛好今個星期六同日會舉行一年一度既香港國際公開游泳錦標賽,也是我的告別賽!

yan3

在這裡都做一下宣傳吧,香港國際公開游泳錦標賽會在今個星期五、六及日在觀塘泳池舉行,今次有不少國家,例如印尼、台北等來參加,賽事應該會非常可觀同緊湊,如果朋友們想支持一下小弟最後一次既比賽,不妨抽小小時間黎到觀塘泳池,支持一下香港既泳手同小弟喇。

最後,都要係到講一句,唔好因為小小既挫折而放棄,堅持到最後,就算拿不到冠軍,你也會是贏家!加油吧!

Comments